मच्छिमार युवकांसाठी 82 वे प्रशिक्षण सत्र

*मच्छिमार युवकांसाठी 82 वे प्रशिक्षण सत्र*

   पालघर (प्रतिनिधी)दि. 02 : मत्स्यव्यवसाय प्रशिक्षण केंद्र, सातपाटी हे केंद्र राज्य शासनाच्या मत्स्यव्यवसाय विभागाचे आहे. येथे सागरी मत्स्यव्यवसाशी संबंधित नौकानयन व सागरी इंजिन देखभाल व परिचालनाचे प्रशिक्षण दिले जाते.

   या केंद्रात देण्यात येणारे प्रशिक्षण 6 महिन्यांच्या कालावधीचे असुन सदयाचे प्रशिक्षण वर्ग दि. 01/07/2023 ते दि. 31/12/2023 पर्यंत आहे. अर्जाचे नमुने मत्स्यव्यवसाय प्रशिक्षण अधिकारी, सातपाटी यांच्या कार्यालयातून कार्यालयीन वेळेत व सुट्टीचे दिवस वगळुन दि.01/06/2023 पासून घेऊन जावेत. परिपूर्ण अर्ज स्विकारण्याची अंतिम तारीख दि. 30/06/2023 राहील. या प्रशिक्षण वर्गासाठी 22 विद्यार्थी घेण्यात येणार आहेत.

   दारिद्रयरेषेखालील विद्याथ्र्यांना रु. 100/- प्रतिमहा तर दारिद्ररेषेवरील विद्याथ्यांना रु.450/- प्रतिमहा प्रशिक्षण फि आकारण्यात येत आहे.

*या प्रशिक्षणासाठी विद्यार्थ्यांची पात्रता खालील प्रमाणे असावी.*

   उमेदवाराचे वय 18 ते 35 वर्षे असावे,उमेदवार किमान चौथी पास असणे आवश्यक आहे, उमेदवारास पोहता येणे आवश्यक आहे, उमेदवार क्रियाशिल मच्छिमार असावा, उमेदवारास किमान एक वर्ष मासेमारीचा अनुभव असावा.

    प्रशिक्षण यशस्वीपणे पुर्ण केल्यानंतर उमेदवारास रोजगार व स्वयंरोजगाराच्या बन्यापैकी संधी उपलब्ध होतात. प्रवेश अर्ज आदीबाबत माहीतीस्तव या केंद्राचे ज्ञानेश्वर पां. भोसले, यांत्रिकी निर्देशक, मत्स्यव्यवसाय प्रशिक्षण केंद्र, सातपाटी यांच्यांशी मोबाईल क्र. 8624919113 वर संपर्क साधावा.